منتديات ابناء تعوينين للهندسة والصيانة الشاملة
بارك الله فيكم وارجوا اخواني الزوار ان تعود عليكم هذه الزيارة بكل خيروفائدة ...وللعلم هذا الموقع غير مسؤول عن أي آراء مطروحة و المحتويات الموجوده لاتعبر عن آراء منشئ المنتدي ولكن تعبر عن آراء أعضاءه .
بارك الله في الجميع ومرحبا بكم في بيتكم

منتديات ابناء تعوينين للهندسة والصيانة الشاملة

منتدي خاص بالالكتروميكانيك والهندسة والصيانة الشاملة - هذا العمل لوجه الله سبحانه وتعالى نطلب الدعاء للوالد بالمغفرة والرحمة و الشفاء وطول العمر للوالدة العزيزة فقط
 
الرئيسيةاليوميةمكتبة الصورس .و .جبحـثالتسجيلقائمة الاعضاءالمجموعاتدخولسجل معنا
 

  بسم الله الرحمان الرحيم}   وَيَسْأَلُونَكَ عَنِ الرُّوحِ قُلِ الرُّوحُ مِنْ أَمْرِ رَبِّي وَمَا أُوتِيتُم مِّن الْعِلْمِ إِلاَّ قَلِيلاً }....*..... {اقْرَأْ بِاسْمِ رَبِّكَ الَّذِي خَلَقَ{ { 1خَلَقَ الْإِنسَانَ مِنْ عَلَقٍ{2} اقْرَأْ وَرَبُّكَ الْأَكْرَمُ{3} الَّذِي عَلَّمَ بِالْقَلَمِ{4} عَلَّمَ الْإِنسَانَ مَا لَمْ يَعْلَمْ{5} ....*.... {وقل رَبِّ زِدْنِي عِلْماً"} ......*.....( خيركم من تعلم العلم وعلمه}.......*.........}  اللهم انفعنا بما علمتنا ، وعلمنا ما ينفعنا}*.........*........*   أهلا بكم في منتدى أبناء تعوينين للهندسة والصيانة الشاملة وهو خدمة مقدمة من طرف محل الصفوة للبيع والصيانة – الكهرباء العامة والصيانة الصناعية   الموقع الجديد/ بين بريد درارية وبنك سوسيتي جينيرال مقابل الجنينة درارية DRARIA الجزائر العاصمة الجزائر  نقال /  0777516191    وأصلح الله مابين أيديكم وأيدينا .

 

شاطر | 
 

 تعالوا نتعلم معا الكمبيوتر من الداخل و كيفية صيانتة وتجميعة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
rabah tiaouinine
Admin


عدد المساهمات : 3423
تاريخ التسجيل : 31/12/2009
العمر : 43
الموقع :

مُساهمةموضوع: تعالوا نتعلم معا الكمبيوتر من الداخل و كيفية صيانتة وتجميعة   الأحد فبراير 28, 2010 4:49 pm

[/center]بسم الله الرحمن الرحيم
سأقوم بأذن الله بشرح بعض من مكونات الجهاز الداخلية .
و أيضا سأكون معكم وسبدا معكم موضوع صيانة الجهاز
أولا : الكيسة ( CASE ) :
Case أو الحقيبه .. يوجد بها أماكن لوضع وتركيب أجزاء الحاسب المختلفه – الداخليه منها-.
وبالنسبة لطريقة الشرح . فستكون سهله بسيطه ، لأن الدرس ليس به أي صعوبه تذكر.
هذه الحقيبه ما هي إلا علبه معدنية يحفظ في داخلها أجزاء الكمبيوتر الداخلية من الصدمات ومن التراب و و و و ألخ الشكل (1) يوضح لنا منظر خارجي للحقيبه

الحقيبه مكونه من جزئين.. الجزء الأول هو العلبة المعدنيه اللتي تحتوي على فتحات تستخدم في توصيل أجزاء الكمبيوتر المختلفه ببعضها بعضاً مثل CD ROM و H.D.D. و المعالج .
وفتحات خلفيه كي تكون منفذ لتوصيل ملحقات الحاسب . بالحاسب نفسه –المحتوى داخل الحقيبه- مثل : الشاشة والفاره ولوحة المفاتيح.الشكل (2)

أيضا . تحتوي الحقيبه من الجهه الأمامية ، على عدة أزرار Switch وعدة مصابيح مضيئة .LED
الأزرار : زرين ، الأول يستعمل لبدء تشغيل الجهاز . والثاني يستخدم لإعادة التشغيل.
المصابيح : اثنان
ده كان الجزء الأول من الكيس الجزء التاني اسمة الباور سبلاي Power Supply أو الجهاز اللي بيمد الكمبيوتر بالكهرباء اللازمه له علشان يشتغل الشكل (3) .. والجهاز

ده تقريبا على شكل مكعب بيكون فيه وجه من أوجهه واضح من خلف الكيس.. الجهاز ده بيكون فيه ثلاث فتحات .
الأولى: بيتركب فيها الكابل الخاص بالكهرباء ،،
والتانيه: بيتركب فيه الكابل الخاص بالكهرباء اللي بتشغل الشاشة (في بعض الشاشات بتاخد الكهرباء الخاص بها من كابل مثل كابل الكيس .. يعني من الكهرباء على مباشرة )… والفتحة الثالثة بيكون واضح من وراها مروحه .. المروحه هذه مسئولة عن تبريد الباور سبلاي….. بس هي دي الكيس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
rabah tiaouinine
Admin


عدد المساهمات : 3423
تاريخ التسجيل : 31/12/2009
العمر : 43
الموقع :

مُساهمةموضوع: رد: تعالوا نتعلم معا الكمبيوتر من الداخل و كيفية صيانتة وتجميعة   الأحد فبراير 28, 2010 4:50 pm

المعالج عبارة عن شذرة سليكون حاطين عليها ملايين الترانزيستورات اللي بتقوم بعمليات الحساب والمنطق داخل جهاز الكمبيوتر .


من ضمن الشركات اللي بتنتج المعالجات . شركة متورولا Motorola طبعا المعالجات دي نادر جدا لما تلاقيها . لكن حتلاقيها في أي جهاز من النوع أبل ماكنتوش Apple Mackintosh . الأجهزة دي إذا لقيتها ستجدها عند المطابع –غالبا- .


نظريا وعمليا المعالج من النوع موتورولا أفضل في الآداء من المعالج من النوع إنتل Intel لكن شركة انتل انتشرت معالجتها لأن الأوامر اللي بنستخدمها مع المعالجات بنتيوم هي نفس الأوامر اللي بنستخدمها مع بنتيوم 4 . فطبعا العملية أسهل كتير من موتورولا اللي بتتغير الأوامر مع كل تحديث للمعالج . يعني المعالج بيتغير بالكامل مش بيتعملوا تحديث بس.


المعالجات من النوع إنتل بنلاقيها في معظم أجهزة مصرو بعض الدول العربية الأجهزة اللي بنقول عليها PC أو Personal Computer أو كمبيوتر شخصي اللي هي أجهزة IBM Compatible أو أجهزة متوافقه مع أجهزة آي بي إم – المنافس القديم لشركة أبل – (( راجع تاريخ الكمبيوتر )) وفي برضه معالجات من النوع AMD والنوع ده هو المنافس لشركة انتل . وهما دول النوعين اللي حنتكلم عليهم .


إنتل :


المعالجات من النوع إنتل بدأت شركة انتل بإنتاج المعالجات من زمان . قبل ما اتولد علشان كده أنا حقول بس المعالجات اللي أنا عارفها . المعالجات مترتبة من الأقدم للأحدث .


معالج 8086 –—80186—80286—80386—80486


المعالج الأول 8086 ده من المعالجات القديمة جدا وبعدين المعالج 80186 وهكذا . بس اصطلح على تسمية المعالجات دي بآخر ثلاث أرقام بس يعني المعالج الثاني 186 لحد آخز معالج من الفئة دي وهو المعالج 486 . واللي سمع حد بيتكلم عليه قبل كده حيلاقيه نطقه ( فور إيتي سيكس ) .


طبعا المعالجات دي انقرضت تقريبا . مع ان في بعض الناس عندها المعالجات دي ولسه شغاله عندها . وماعندهاش غيرها كمان . بس أعتقد أن الناس دي مش حتقدر تقرأ الكلام ده إلا إذا راحوا إنترنت كافييه Internet Café :-) .


وبعد كده أطلقت إنتل المعالجات من الجيل بنتيوم ( اللي بيقولوا عليه بنتيوم 1 ) طبعا لازم مانقولش بنتيوم واحد لأن ساعتها كان في بنتيوم واحد بس وعلشان كده سموه بنتيوم .


والمعالجات بنتيوم بدأت من 100 أو أقل ( بصراحه مش عارف ) المهم أنه في P133 & P166 & P200 & p233 وكل المعالجات دي بنتيوم يعني ايه .؟؟؟


البنتيوم يا جماعه بيكون البس سبيد Bus Speed (FSB) ( و سأقوم بشرحها بعدين ) بتاعها 100 ميجا هرتز 100 MHZ وبيكون الكاش ميموري Cache Memory أو الذاكرة المخبأة داخل المعالج كانت بتبقى 512 كيلو بايت 512 KB وده أفضل معالجات أنتل . والمعالجات من الجيل بنتيوم كانت بتتركب على سوكت 7 Socket 7 واالي كان بيشبه لحد كبير جدا Socket 370 (بتاع بنتيوم 3) .


برضه نزلت شركة إنتل معالج من النوع سليرون اللي بيكون Bus Speed بتاعه 66MHZ وبيكون الذاكرة المخبأة 128 KB ودي طبعا معالجات أضعف وأرخص .


المعالجات بنتيوم كان آخر سرعه ليها هي 233 MHZ وبعد كده ظهرت المعالجات من الجيل الثاني بنتيوم 2 Pentium 2 اللي اتغيرت كتيير عن الجيل الأول في الشكل ومكان التركيب . لأن المعالجات بنتيوم 2 بتركب على حاجه اسمها Slot 1 وده كان موصل كبيير يشبه مكان توصيل كارت الشاشة VGA لكنه أكبر وكان المعالج على شكل كارت عكس المعالجات من الجيل الأول اللي كانت على شكل مربع طالع منه دبابيس كتير . ...


بنتبيوم 2 بدأ من 233 لغاية 450 .


كان موازي لبنتيوم 2 المعالجات من النوع سليرون اللي كانت بتاخد الأرقام 233 و 266 و300 و 333 و 400 و 433 وطالع ...........


والمعالجات بنتيوم 2 كانت واخده الأرقام 233 و 250 و 300 و 333 و 350 و 400 و 450 . وبنلاحظ هنا أن في معالج 333 مشترك بين الاتنين .


بعد كده بدأت شركة انتل تطور في معالجتها علشان تنتج الجيل الثالث بنتيوم 3 اللي أخذ أشكال كتيير . أخذ شكل Slot 1 و أخذ شكل Socket 370 .


المعالجات بنتيوم كنا اتفقنا انها بتكون بتردد 100 MHZ وبذاكرة داخلية 512 KB لكن في بينتيوم 3 اخلتف الأمر شوية . يعني المعالجات أخذت ترددات 133 وذاكرة داخلية 512 و 256 كيلوبايت .


وأخذت الأرقام من 450 لغاية 1300 MHZ . ..


كنا لغاية فترة قريبة بنسمع عن معالجين : معالج بنتيوم ومعالج سليرون . الحقيقة العملية اتفرعت جامد قوي بحيث أن :


بقى في معالج بنتيوم بتردد 133 وذاكره داخلية 256 وده طبعا غير المعالج اللي بتردد 133 وذاكرة داخلية 512 .


وبرده نزل معالج جديد اسمه توالتون Tualatin المعالج ده بتردد 100 وذاكرة داخلية 256. الناس بتقول على المعالج ده سليرون لكن الصحيح انه توالتون . أو بمعنى أدق ... المعالج ده عبارة عن جيل جديد من المعالجات السليرون أو تطوير وتعديل له . لأن المعالجات السليرون كانت بتردد 66 وذاكرة داخلية 128 .


طبعا معظمنا لما بيشتري جهاز في الفترة دي بيشتري بالمعالج الجديد توالتون لأنه أقوى في الآداء من السليرون وقريب من البنتيوم 3 وفي نفس الوقت أرخص حوالي 300 جنيه من البنتيوم . وده طبعا فرق كبيير جدا بالنسبة للفرق البسيط في الآداء .


كانت الفترة اللي نزل فيها التوالتون – المعالجات بنتيوم كانت بحوالي 1000 جنيه في حيث أن التواتون كان أرخص 300 أو 400 جنيه . وعلشان كده في الفترة دي البنتيوم اتخسف بيه الأرض .


بعد كده نزلت شركة انتل المعالجات من الجيل الرابع بنتيوم 4 . بصراحه أنا معنديش أي معلومات ينفع تتشرح لأن بنتيوم 4 لسه جديد وثمنه مرتفع جدا + أني مش مهتم بيه اطلاقا .


لكن في معلومه لازم أقولها . في ناس كتيير دلوقتي بتشتري بنتيوم4 وبتقول أن الجهاز بيكون أغلى 400 جنيه عن بنتيوم 3 . الناس دي لازم أقول لها حاجه مهمة .


بنتيوم4 نزل السوق بترددات كتيير قوي . من 133 – لحد 400 وكمان 800 ميجاهرتز .


طبعا المعالج اللي بتردد 133 بتكون اللوحة الأم بنفس التردد والذاكرة كمان اللي هي الرامات. ..... الجهاز ده مش حتحسوا انه بنتيوم4 على الاطلاق . الجهاز ده بنتيوم3 بكل المقاييس .


نصيحة لأي واحد عايز يشتري جهاز بنتيوم4 ... اما انه يجيب جهاز ما يقلش تردد لمعالج بتاعه عن 400 ميجاهرتز والرامات تكون من النوع DDR . وإلا حيكون الجهاز ده ولاحاجه .



AMD


الشركة دي عريقة جدا في مجال انتاج المعالجات اللي للأسف غير منتشرة في مصر الانتشار المناسب لحجم الشركة . وللعلم برضه ان المعالجات من النوع AMD أعلى مستوى من المعالجات انتل وكمان أرخص في السعر لكن المعالجات AMD أخذت شهرة أنها معالجات مستواها منخفض لأن المعالجات دي فيها مشكلة واحده بس . المشكلة دي هي السخونه . طبعا المشكلة الواحد يقدر يتغلب عليها بأنه يركب على المعالج المبرد Cooler الأصلي بتاعه علشان هوه ده اللي مصمم أنه يبرد المعالج . لكن المستوردين بيجيبوا حاجات رخيصة علشان يوفروا . فطبعا في ناس كتيير عانت من حرارة المعالجات بتاعتها . وفي ناس –للأسف- المعالجات بتاعتها اتحرقت . وطبعا من ساعتها والناس خافت من المعالجات دي.


و المشكلة أن الساده المستوردين استوردوا شحنة معالجات AMD من الموديل K6-2 550 MHZ ...... المعالجات دي كانت الشحنه اللي اشتروها كانت متهربة من المصنع . وطبعا كانت مضروبة . وبكده اتقضى على سوق المعالجات AMD .


لكن ممكن تسأل عند مهندسين الكمبيوتر والناس اللي بتشتغل في الجرافيكس Graphics هما بيستخدموا ايه عندهم . حتلاقي معظم الناس اللي عارفه قيمة المعالجات دي . أنهم بيستخدموا AMD .


خلينا نخش في تفاصيل المعالجات AMD ....


نزل جيل من المعالجات اسمه K6 الجيل ده كان قديم وبياخد أرقام زي الانتل 300 و350 وهكذا ... لكن الشركة نزلت معالج تاني يعتبر تطوير للمعالج القديم .. المعالج ده اسمه


K6-2 .. وأخذ أرقام 500 و550 وممكن أعلى كمان ( بصراحه مش متأكد) لكن المهم أن AMD نزلت معالج تاني اسمه K7 اللي معروف في السوق باسم Athlon المعالجات دي كانت بكفاءة انتل بنتيوم 3 وأحسن ... وبعد كده طورت الشركة المعالج Athlon K7 ونزلت معالج اسمه Duron المعالج ده أقوى من المعالج اللي قبله طبعا لكن برضه مش منتشر بالدرجه الكافيه .


دلوقتي بقه جينا للعملي . الدرس المهم بعد ما عرفنا التاريخ السريع بتاع المعالجات .


حنتعلم إزاي نركب المعالج بتاعنا مهما كان نوعه ... يلا بينا



المعالجات من الجيل الأول ( انتل بنتيوم و سليرون ) دي بتشبه لحد كبير الجيل الثالث في طريقة التركيب . علشان كده حنأجلها شوية


المعالجات من الجيل الثاني –بنتيوم2 – دي زي ما قولنا بتاخد شكل الكارت ودي زي ما احنا شايفين في الشكل (1)



بتركب على موصل زي الموصلات AGP &PCI بس الموصل ده اسمه Slot 1 وده أكبر شوية من النوعيين اللي قلناهم زي ما هو واضح في الصورة .


المعالج ده بيركب زي أي كارت ما بتدخلة في شق أو فتحة بكل بساطة تضغط عليه برفق لحد ماتسمع صوت كليك . يعني المعالج دخل للآخر . في الصورة اللي معانا هنا حنلاحظ أن المعالج اتركب في الماذربورد .الشكل (1) ..



الحقيقة ما قدرتش أجيب صورة أحسن لكن أعتقد أنها كفايه .. احنا شايفين المبرد كبيير .


والكارت الأسود .. هوه ده المعالج . ...


المعالجات من النوع بنتيوم3 وبنتيوم وسليرون وAMD من النوع FC-PGA


بتتركب بطريقة واحدة . لكن يعني ايه FC-PGA ؟؟؟؟


يعني أن ده نوع من المعالجات بتتركب على حاجه اسمها Socket 370 .. والمعالج في الحالة دي بيكون شكله مربع زي الشكل (2) .. الشكل ده باين فيه معالج من النوع Intel Pentium3 ومعالج من النوع AMD Athlon .


ملحوظة : المعالج أثلون والمعالج بنتيوم3 لهم نفس الآداء تقريبا لكن المعالج أثلون أفضل شوية وكمان أرخص



الشكل (3) مبين لينا أن الذراع اللي بيكون على السوكت

مرفوع ... والمعالج في وضع الاستعداد .. وكمان شكل (4)

بيبين لينا إزاي نمسك المعالج عند التركيب . .. وبعد ما حطينا المعالج .... ننزل الذراع ثاني مكانه برفق لغاية الآخر لما نسمع الكليك المشهورة . والشكل (5) بيبين لينا المعالج بعد ما ركب مكانه

بعد ما قمنا بالخطوة دي في الخطوة اللي بعديها ... تركيب المروحة وقطعة المعدن المسؤولين عن التبريد . اللي بنسميهم مع بعض Cooler يعني مبرد .


في عندنا في المبرد لسان معدني له طرفين حنركب الطرف الصغير مكانه في السوكت زي ما احنا شايفين في شكل (4) في حرف P وجنبه في سهم ..... السهم بيشاور ناحية بروز من البلاستيك . ... هوه ده اللي حنشبك فيه الطرف الصغير .... وبعدين من الناحيةالتاني للسوكت في بروز تاني .. حنشبك في الطرف الكبير بتاع المبرد . ( بكل بساطة وهدوء ) .


بعد ما بنركب المبرد حنركب السلك الخاص بالمروحة في المكان المخصص ليه على اللوحة الأم . واللي بيكون عادة مكتوب عليه CPU FAN أو بيكون مكتوب عليه FAN 1 ...


لازم بعد كده..... قبل ما تقفل الجهاز بعد ماتخلص تركيب الجهاز تتأكد أن المروحة شغالة كويس ومافيش حاجه بتعوق حركتها .


الشكل (6) بيوضح لينا شكل المبرد ...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
rabah tiaouinine
Admin


عدد المساهمات : 3423
تاريخ التسجيل : 31/12/2009
العمر : 43
الموقع :

مُساهمةموضوع: رد: تعالوا نتعلم معا الكمبيوتر من الداخل و كيفية صيانتة وتجميعة   الأحد فبراير 28, 2010 4:50 pm

كارت الفيجا أو كارت الشاشة



كارت الرسوميات ( VGA ) أو اختصار ل Video Graphics Adaptor



الكارت ده بنقوم بتركيبة على موصل من النوع AGP . ووظيفة الكارت ده . هو عرض نتائج العمليات اللي بيعملها الجهاز . يعني هو المحول اللي بيحول اشارات الكمبيوتر الرقميه . لفيلم نقدر نشوفه على شاشة المنيتور (Monitor) والمقصود بالفيلم هنا مش فيلم يعني فيلم . لكن المقصود بيه الحركة اللي بتكون متصلة زي الأفلام تمام. الكارت ده ياجماعة اتطور كتير . من بداية ما كان عبارة عن دايرة متكاملة صغيرة جوه جهاز الكمبيوتر . لحد ما بقى عندنا كروت الفيجا أو السوبر فيجا ...


حنتكلم عن نوعين بس . أو جيلين من كروت الرسوميات .


الجيل الأول واللي كان بيطلق عليه VGA ..... والكارت ده كان المخرج بتاعه ( يعني المكان اللي بنوصل فيه الشاشة ) كان بيتكون من 9 ثقوب . يعني بيركب عليه كابل فيه 9 دبابيس ... والكروت دي غالبا ماكانتش ملونه .


وبعدين نزل بعد كده الكروت الجديده اللي بيطلق عليها SVGA يعني سوبر فيجا .. وهي دي الكروت اللي بنستخدمها اليومين دول .


كارت الرسوميات ده عبارة عن كمبيوتر مصغر مستقل بذاته. يعني ايه؟



يعني كارت الرسوميات بيكون محتوي على معالج خاص بيه + ذاكرة خاصه بيه + بيكون ليه قنوات اتصال . يعني معنى كده أن كارت الرسوميات بتتحدد جودته عن طريق حاجتين : الأولى المعالج ،، والثانية حجم الذاكرة اللي موجوده على الكارت .


الذاكرة بتاعة كروت الرسوميات بدأت من 1 ميجا وبعدين 2 ميجا وهكذا 4 – 6 – 8 – 16 – 32 – 64 ..... ميجا بايت .


وسرعة المعالجات كانت 1x وبعدين بقت 2x وحاليا 4x .. وفي تطور مستمر كالعاده .


أما بالنسبة لترددات الذاكرة فهي غالبا ما بتكون 100 MHZ أو أعلى لحد 266 MHZ أو أعلى .. لكن الكروت دي بتكون مكلفه جدا .


وبرضه في ترددات للمعالجات لكني بصراحه مش متأكد إذا كانت المعالجات بنفس تردد الذاكرة ولا لأ .


المهم أن الكروت الحديثة من الجيل SVGA دي بيكون المخرج الخاص بها . اللي بيركب فيه كابل الشاشة . محتوي على 15 فتحه . يعني الكابل بيكون 15 دبوس ....


بالنسبة لتركيب كارت الشاشة . أنا ما أعتقدش أن فيه أي مشكلة . لأن ده كارت وبيكون ليه مكان واتجاه واحد بس . وبعد ما بيركب بنربطه بمسمار صغير لزوم التثبيت .


ونقدر نقول أن طريقة تركيب كارت الشاشة . ( الرسوميات ) بيتركب زي كروت الصوت والمودم ( اللي بيركبوا على موصلات PCI ) زي ما أحنا شايفين في الشكل (1) .



عندنا الشكل (2) بيبين لينا شكل كارت الرسوميات



الأسهم باللون البنفسجي : بتوضح شرائح الذاكرة .


السهم باللون الأخضر: بيورينا المروحه المسؤولة عن تبريد المعالج ( المعالج أسفل المروحه)


السهم باللون الأحمر : بيوضح المكان اللي بنوصل فيه كابل الشاشة .


الشكل (3) ،،، الشكل (4) بيوضحوا لنا صورتين بالألوان




لكارتين مختلفين . من كروت الشاشة.


والشكل (5) بيوضح لينا شكل كارت الرسوميات بعد ما ركبناه على الماذربورد . وطبعا المكونات ( المعالج – الذاكرة – الشرائح الإلكترونية ) كلها على الجهة اللي تحت . علشان كده مش شايفنها



أنوع كروت الفيجا البيلت إن بمعني المدمجة في الماذر بورد



في بقى نوع من الكروت بيكون موجود من ضمن مكونات اللوحة الأم يعني المصنع اللي جمَّع مكونات اللوحة الأم .. حط من ضمنها مكونات كارت رسوميات . والعلمية دي طبعا اقتصادية جدا لأنها بتكون أرخص بكتيير وبتوفر فلوس معقوله .


في ناس ما بتحبش النوع ده . وبتقول طيب لو اتحرقت حعمل ايه .؟؟؟؟؟



السؤال وجيه . لكن أيه اللي ممكن يحرق كارت الرسوميات إلى إذا إتعطلت الروحة اللي بتبرد المعالج بفعل التراب المتكون عليه


لكن والشهاده لله . أنا كان عندي جهازي القديم . كارت الرسوميات موجود بيلت إن ,, والجهاز شغال بسم الله ما شاء الله .. عشرة على عشرة . من ثلاث سنين ونصف لحد النهارده . ( ربنا يستر ) والكارت ده كانت الذاكرة بتاعته 8 MB في وش العدو . ههههههه


الكروت المتضمنه في داخل الماذر بورد كانت بيكون ليها ذاكرة خاصه بيها ( زي الفيجا اللي كانت عندي ) لكن دلوقتي ( توفيرا للنفقات ) بقوا يخلوا الفيجا البيلت إن تاخد الذاكرة اللي محتجاها من الذاكرة بتاعة الحاسب .


يعني ممكن تتحكم فيها زي ما أنت عايز من 2 ميجا لغاية آخرها 32 أو 64 ميجا أو 128 أو 256.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
rabah tiaouinine
Admin


عدد المساهمات : 3423
تاريخ التسجيل : 31/12/2009
العمر : 43
الموقع :

مُساهمةموضوع: رد: تعالوا نتعلم معا الكمبيوتر من الداخل و كيفية صيانتة وتجميعة   الأحد فبراير 28, 2010 4:51 pm

الماذر بورد " اللوحة الأم "



الماذربورد Motherboard أو اللوحة الأم . الماذربورد دي كانت سر كبير في الكمبيوتر الحديثMicrocomputer or (Personal computer) بس اللي عارفاه .. هي شركة آي بي إم وعلشان كده ظلت محتكره انتاج الكمبيوترات لفتره من الزمن لغاية ما طلعت قوانين الاحتكار ومنعوا العمليه دي لأن الأجهزة كانت غالية جدا لأن في شركة واحده بس هي اللي عندها قدرة على انتاجها .. وبعد ما اتعرف السر ورا دايرة الماذربورد طلعت على الساحة شركات كتيير أوي في مجال انتاج القطعه المهمة دي في الكمبيوتر..



الماذربورد دي ليها وظيفة في الكمبيوتر ولو حبينا نوصفها حنقول بكل دقه زي الإنسان بالظبط . الماذربورد عبارة عن شبكة الأوعية الدموية والخلايا العصبية الحسية لجهاز الكمبيوتر .



سوف نستعرض معا بسرعة المكونات الداخليه للكمبيوتر المكونات دي هي (البروسسيور - الرامات - الفيجا - السوند - الهارد ديسك - السيديروم - الفلوبي - وممكن مودم كمان ) كل الأجزاء دي بتتوصل بالمذربورد علشان كده بنقول على المذربورد هي شبكة الأوعية الدمويه والخلايا العصبية لجهاز الكمبيوتر.لأن هي اللي بتنسق نقل البيانات ما بين أجزاء الكمبيوتر وبعضها.
واحنا دلوقتي حنبدأ نشوف الصور علشان نطبق الكلام اللي سمعناه دلوقتي. بس الأول في حاجه لازم نعرفها قبل ما نشوف الصور علشان نفهم.
الحاجه دي هي أن في بعض الماذربوردس بيكون فيها كروت شاشه VGA اللي هي الفيجا وبنقول عليها بيلت إن Built in يعني مبنيه على الماذربورد يعني المصنع وهو بيصنع الماذر حط معاها كرتة فيجا.. وكمان ممكن يحط كرتة صوت.. فعشان كده حنلاقي اختلاف في الشكل بين الصورتين دول الشكل (1،2) .




عندنا في الشكل (1) مثال لخريطة ماذربورد من النوع أكورب ACORP وحنشرح عليها كل حاجه جزء جزء..



1. عندنا في الرسمة مربع مكتوب عليه Socket المربع ده هو مكان تثبيت البروسسيور Processor يعني المعالج بيتثبت في المكان ده وطبعا مش أي معالج ممكن يركب في المكان ده باختصار ومن غير تعقيد Socket 370 ما بيركبش عليه معالج غير معالجات من النوع بينتيوم 3 Pentium||| اللي بتكون سرعتها ما بين 450 : 1300 ميجا هرتز أو المعالجات من النوع سليرون Celeron اللي بتزيد سرعته عن 500 ميجا هرتز.. وفي بعض المذرات بيركب عليها بروسيسور من النوع AMD . يعني احنا عرفنا أن السوكت مكان للبروسسيور ، حتشوفوا في شكل (3) شكل السوكت ومعاه بروسسيور وهوه بيركب عليه.



2. برضه حيكون واضح في الصورة ثلاث مستطيلات مكتوب عليهم DIMM المستطيلات دول هما المكان اللي بيركب فيه الرامات ، في ماذربوردس بيكون فيها مكانين وفيه ثلاث أماكن ، بتعتمد على إمكانيات الماذربورد. الشكل (4) بيوضح لنا الرامات من النوع SD RAM اللي بتركب على

الموصلات من DIMM ..
ملحوظة : في أنواع كتير من الرامات لكن أنا حتناول الأنواع المتوفرة في السوق والمستخدمة من معظمنا إذا ما كانش من كلنا.
الأنواع المستخدمة في السوق غالبا نوعين DIMM “ SIMM وحتكلم عنهم بالتفصيل في درس الرامات ان شاء الله .
3. بعد كده حنلاقي في الشكل مستطيل مكتوب عليه AGP SLOT .. كلمة سلوت يعني موصل يعني شق بيركب فيه الجزء المطلوب . موصل AGP إختصار لثلاث كلمات Accelerated Graphic Port والموصل من النوع ده بيكون واحد بس في الماذربورد .. وطبعا ما ينفعش يركب مكانه كارتة صوت مثلا لأنهم مختلفين في الحجم.. والشكل (5) بيوضح لينا شكل كرته الفيجا VGA CARD وزي ما احنا

شايفين النوع ده مزود بمروحة للتبريد ، في أنواع ما فيهاش المروحة دي لانها مش بتسخن بالدرجه الخطيرة.
في عندنا مربع اسود مكتوب عليه VIA المربع اللي فوق مش اللي تحت ( لأن في مربعين) المربع ده عباره عن AGP CHIPSET يعني الدايرة اللي بتتحكم في موصل AGP وبتكون حلقة الوصل ما بين الفيجا وبقيت الجهاز .



4. بعد كده في مستطيلات كتير تحت بعضيهم مكتوب عليهم PCI SLOT الموصلات من النوع ده بيركب عليها حاجات كتير من ضمنها كروت الصوت والمودم الخ الخ …
في عندنا في الرسمة مربع اسود مكتوب عليه VIA وده غير المربع اللي فوق .. المربع ده عبارة عن PCI CHIPSET يعني الدايرة اللي بتكون حلقة الوصل ما بين موصلات PCI و أجزاء الكمبيوتر التانية .



5. في تحت الموصلات من النوع بي سي آي مستطيل مكتوب عليه AMR SLOT والحروف دي اختصار ل Audio Modem Riser الموصل ده بيستخدم في تركيب نوع من كروت المودم حديثة وسريعه .. يعني أسرع من المودم العادي … والموصل ده معمول للمودم وبس .



6. عندنا كمان مستطيلين مكتوب عليهم IDE المستطيلين دول بيتركب فيهم كابل ،، الكابل ده بيتوصل بأجهزة اسمها IDE DEVICES يعني أجهزة بنظام الآي دي إي والجهزة دي زي الهاردات والسيديروم والديفيدي والموبايل راك و السي دي ريتر وووووو ألخ …….. والمكان ده بيكون فيه 40 دبوس وطبعا الكابل بيكون 40 سلك .



7. في كمان مستطيل مكتوب عليه FDC وده اختصار Floppy Disk Cable يعني الكابل الخاص بالفلوبي دريف والكابل ده مكون من 30 سلك يعني المكان اللي بيركب فيه على الماذر فيه 30 دبوس .



8. البيوس : BIOS دي عبارة عن دايرة متكامله IC الدايره دي هي اللي بتتحكم في جميع أجزاء الماذر من أصغر جزء لأهم جزء وهي دي اللي بيكون متسجل عليها البرنامج اللي بنشوفه لما ندوس Delete أول ما الجهاز يشتغل .



9. في عندنا كذا شكل في شمال الصورة الأشكال دي من فوق لتحت بالترتيب كالاتي : مكان توصيل الماوس والكيبورد وبعدين مكان لتوصيل الأجهزه عن طريق وصلة USB (حشرحها في وقتها) وبعدين مكان لتوصيل الطابعه اسمه Parallel Port وخلفه في الصورة (مش باين) في مكانين ****** لتوصيل أجهزة تلحق بالكمبيوتر وبعدين تحت كده في مكان لتوصيل السماعات معنى كده ان الماذربورد دي فيها كارت صوت داخلي Built in ودي طبعا مش في كل المذرات .



10. آخر حاجه عندنا في ATX Power Supply وده مكان توصيل أسلاك الكهرباء من الباورسبلاي ( اللي اتكلمنا عنه في الكيس ) إلى الماذربورد وده من النوع ATX وده غالبا مع بينتيوم 3 .
ودلوقتي حعرض عليكوا ( الشكل (2) ) صورة تانية لماذر بورد من النوع ASUS والماذر دي فيها كارت صورة وكارت صوت مدمجين فيها . يعني بيلت إن وعلشان كده مش حنلاقي مخرج AGP
الرقم الوصف
1 Socket 370 مكان تثبيت المعالج Processor
2 DIMM SLOTS مكان تثبيت الرامات أو الذاكرة من النوع SD RAM
3 CHIPSET المسؤولة عن التحكم في كرت الفيجا
4 BIOS المتحكم الرئيسي في كل أجزاء المذربورد
5 Battery بطاريه للحفاظ على المعلومات الأساسية في البيوس
6 IDE 1&2 مكان توصيل الهارد والCD ROM
7 FDC مكان توصيل الفلوبي دريف
8 Parallel Port مكان توصيل الطابعة Printer
9 PS2 Connector مكان توصيل الكيبورد والماوس
10 USB مكان توصيل أجهزة من النوع اللي بيتوصل بال USB 
11 ATX Power Supply مكان توصيل كابل الكهرباء من الباور سبلاي
12 مكان توصيل السماعات ( كرتة صوت بيلت إن ) Built in (مش كل الذرات كده)
13 IC هي دي كارت الصوت المبنيه بداخل الماذر بورد


14 PCI SLOTS الموصلات من نوع PCI
15 الموصل من نوع AMR
16 IO CHIP الدايرة المتكاملة دي مسؤولة عن التحكم في أماكن الاتصال بالجهاز
17 المكان ده بيتوصل فيه كابل علشان تزود عدد USB




طبعا احنا لاحظنا أن أنا ما قلتش حاجه عن مكان توصيل الشاشة ( الشاشة بتتوصل بكرت الفيجا )
زي ماقولت قبل كده الماذربورد دي بيلت إن فيجا … يعني الفيجا موجوده في الشكل اللي عليه رقم 3 … طيب بنحط كابل الشاشه فين ؟



سؤال ذكي . المكان هنا مش باين بس هوه ورا المكان الخاص بالطابعة .


الحمد لله . كده خلص درس الماذر بورد . أكيد ثلاث أرباعكوا مش فاهمين حاجه .



عموما حاول تقرا الكلام تاني بالراحة وتبص على الصور بإمعان وتروي . وان شاء الله حتفهموا المطلوب .
برده أكيد حيكون في استفسارات لأن ما فيش انسان كامل – أكيد نسيت حاجه أو قلت حاجه غلط – أي سؤال أو مداخلة أنا مستعد في أي وقت... هذا الموضوع قمت بوضعه ليكوا علشان نتعلم حاجه تفيدنا .



وعلشان الواحد لازم يعلم غيره لأن زكاة العلم تعليمه لغيرك . واللي بيكتم علم ربنا عمره ما حيباركله .
شكرا على حسن قراءتكم


مسمى اللوحة الأم له دلالة كبيرة على الدور والمسئولية الملقاة على عاتق هذه القطعة من العتاد. كل قطع الحاسب، بلا استثناء، تعتمد على اللوحة الأم لكي تعمل. فإذا كان المعالج هو العقل المدبر للحاسب، فان اللوحة الأم هي القلب النابض والذي يمد العقل وباقي أجزاء الحاسب بالدم اللازم لها لكي تعمل.

شرح لدور اللوحة الأم،


اللوحة الأم هي القاعدة أو الأساس الذي يبنى عليه الحاسب. دورها يكمن في ربط قطع الحاسب بعضها ببعض وتنظيم عملية الاتصال بينها. كذلك تقوم اللوحة الأم بعملية تعريف نظام التشغيل على مكونات الحاسب


وصوره اللوحه هي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
rabah tiaouinine
Admin


عدد المساهمات : 3423
تاريخ التسجيل : 31/12/2009
العمر : 43
الموقع :

مُساهمةموضوع: رد: تعالوا نتعلم معا الكمبيوتر من الداخل و كيفية صيانتة وتجميعة   الأحد فبراير 28, 2010 4:51 pm

البيوس

رمز BIOS هو اختصار لجملة Basic Input Output System وهى تعنى النظام (البرنامج) الأساسي لدخول وخروج المعلومة هذا البرنامج مسئول عن أساسيات عمل الحاسب. أمور مثل التحكم بشريحتي الجسر الشمالي والجنوبي والكروت التي تركب على الحاسب، يتم عملها من البيوس ومن ثم توصيلها لنظام التشغيل المستخدم على الحاسب مثل وندوز وغيره. برامج البيوس الحديثة تعطيك القدرة على التحكم بكل إعدادات الجهاز مثل سرعة المعالج والذاكرة و تواقيتهما وحتى القدرة على التحكم بقدرة الكهرباء التي تصل إلى المكونات.

برنامج البيوس يتم تخزينه بشريحة تسمى ROM وهى اختصار لجملة Read Only Memory . مسمى الشريحة يدل على إنها من أنواع الذاكرة والتي تستطيع القراءة منها فقط. هذا الكلام كان صحيحا فيما سبق حيث انه للمحافظة على هذا البرنامج المهم من الضياع فانك لن تستطيع أن تكتب أي شئ على البرنامج.


الوضع تغير ألان مع اللوحات الحديثة. ألان باستخدام برامج متخصصة بإمكانك أن تعمل ترقية لبرنامج البيوس وذلك لحل مشاكل في اللوحة الأم أو إضافة دعم لمعالج جديد.

عند قيامك بعمل تعديلات على البيوس مثل تعريف قطعة جديدة من العتاد أو إعدادات سرعة الناقل الأمامي وحتى تغيير التاريخ والوقت، فان هذه الإعدادات يتم حفظها بشريحة تسمى CMOS وهى رمز للمسمى العلمي Complementary ****l Oxide Semiconductor.

هذه الشريحة لا تستطيع تخزين معلومات بدون طاقة كهربائية. لذا فهي مربوطة ببطارية صغيرة مهمتها تزويد هذه الشريحة بالكهرباء بصورة مستمرة.


وهذه صوره للبيوس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
rabah tiaouinine
Admin


عدد المساهمات : 3423
تاريخ التسجيل : 31/12/2009
العمر : 43
الموقع :

مُساهمةموضوع: رد: تعالوا نتعلم معا الكمبيوتر من الداخل و كيفية صيانتة وتجميعة   الأحد فبراير 28, 2010 4:52 pm

الذاكرة " الرامات "



لكي تقوم الذاكرة بتخزين أي معلومة، فإنها تقسمها إلى بايت أولا ومن ثم تقسم البايت إلى 8 بت. كل بت يتم تخزينه في شريحة ذاكرة منفصلة. لذا فان اقل عدد من الشرائح التي يتم تركيبها على لوحة الذاكرة هي 8 شرائح. وهذا يعنى كذلك أن جميع الشرائح يجب أن تكون متشابهة بالحجم والنوع. في عالم المعلومات الرقمي، فان أي خطا قد ينتج عنه مشاكل كبيرة ،ولتقليل الأخطاء التي قد تحدث أثناء عمل الذاكرة، فقد تم اختراع تقنية لتصحيح أي أخطاء قد تقع ، هذه التقنية تسمى ECC وهى اختصار لجملة Error Correction Code.
هذه التقنية تعتمد على أساس زيادة بت واحد لكل بايت. هذا الأمر يعنى أن كل معلومة سيكون حجمها 9 بت بدل 8. لذا فان الذاكرة المصممة للتعامل مع هذه التقنية، ستحتوى على عدد 9 شرائح بحد أدنى بدل 8.

في ضوء الأنواع المختلفة من الذاكرة واختلاف تقنياتها وسرعاتها وكذلك احتياجها من الطاقة، فقد بات من الضروري إيجاد سبل تسمح بتمييز الذاكرة بالشكل وذلك لكي لا يتم تركيب نوع من الذاكرة على لوحة أم لا تدعمها.


هذا التمييز يتم بسبيلين. الأول هو بعدد الوصلات التي تكون بين الذاكرة واللوحة الأم ، هنا الوصلات تكون بالجانب السفلي من لوحة الذاكرة وهو الجزء الذي يدخل بداخل الشق المخصص للذاكرة على اللوحة الأم.
بالإضافة لتمييز الشكل، فان عدد الوصلات (يرمز لها غالبا بالإبر) يحدد كذلك حجم المعلومة التي يمكن نقلها من الذاكرة إلى المعالج. أي انه كلما زاد عدد الإبر زاد معها حجم المعلومة التي يمكن نقلها. ولذا فان الأنواع الأحدث من الذاكرة تحتوى على عدد اكثر من الإبر.



الطريقة الثانية المستخدمة هي بتغيير موقع الحز (السن) والموجود بين الوصلات أو بإضافة اكثر من حز واحد وبمواقع مختلفة.



شرائح الذاكرة يمكن تركيبها على جانب واحد من اللوحة أو على جنبي اللوحة (من الأمام والخلف). إذا كانت الشرائح على جنب واحد فإنها تسمى SIMM

وهى اختصار لجملة Single Inline Memory Module. أما إذا كانت الشرائح على جانبي لوحة الذاكرة فإنها تسمى Dual Inline Memory Module واختصارها هو DIMM.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
rabah tiaouinine
Admin


عدد المساهمات : 3423
تاريخ التسجيل : 31/12/2009
العمر : 43
الموقع :

مُساهمةموضوع: رد: تعالوا نتعلم معا الكمبيوتر من الداخل و كيفية صيانتة وتجميعة   الأحد فبراير 28, 2010 4:53 pm

تعرف علي ذاكرة DDR SDRAM

التمييز الخارجي للذاكرة من هذا النوع هو بعدد الإبر الموجودة وهى 184 إبرة. كما تتميز بوجود حز واحد بثلث المسافة بين الإبر هذه الذاكرة تكون بعرض 5.375 بوصة وبارتفاع 1 بوصة تقريبا. الذاكرة هي من نوع DIMM مما يعنى وجود شرائح الذاكرة من أمام وخلف لوحة الدوائر المطبوعة.


ذاكرة SDRAM :

الشكل الخارجي لهذه الذاكرة مشابه لذاكرة DDR من ناحية العرض والارتفاع. الفرق يكون بعدد الإبر والتي يبلغ عددها 168 إبرة ووجود حزين بدل واحد أحدهما بالمنتصف تماما والأخر بأول ربع من الإبر.

هذه الذاكرة تأتى بشكل DIMM أو SIMM



ذاكرة EDO DRAM :
هذه الذاكرة كانت تستخدم مع الجيل الأخير من معالجات Intel 485 والجيل الأول من معالجات Pentiumعرض الذاكرة هو 4.25 بوصة والارتفاع 1 بوصة تقريبا. عدد الإبر الموجودة عليها هو 72 إبرة وتحتوى على حز واحد في المنتصف. هذه الذاكرة تأتى بشكل DIMM فقط.


ذاكرة FPM DRAM :

هذه الذاكرة انقرضت تقريبا من الوجود حالها حال الأجهزة التي كانت تستخدم عليها وهى المعتمدة على معالجات Intel 386 والجيل الأول من 486عرض هذه الذاكرة كان 3.5 بوصة والارتفاع يعادل ثلاث أرباع البوصة. الذاكرة تكون بشكل SIMM ولا تحتوى على أي حز. عدد الإبر الموجودة على الذاكرة يبلغ 30 إبرة.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
rabah tiaouinine
Admin


عدد المساهمات : 3423
تاريخ التسجيل : 31/12/2009
العمر : 43
الموقع :

مُساهمةموضوع: رد: تعالوا نتعلم معا الكمبيوتر من الداخل و كيفية صيانتة وتجميعة   الأحد فبراير 28, 2010 4:53 pm

هذه بعض الأخطاء التي تحدث و نعتبرها مشاكل



تعلم بعضاً من أمور الصيانة لجهازك



أعطال الشاشة



العطـل :
توقف عمل الشاشة مع إضاءة طبيعية للمبة
السبـب :
عطل في وحدة الطاقة أو الشاشة أو عطل في كابل الشاشة أو كرت الشاشة
الإجـراء :
إصلاح أو تغيير وحدة الطاقة .
تغيير كابل الشاشة .
تغيير كرت الشاشة .

العطـل :
توقف للشاشة مع إطفاء لمبة الشاشة
السبـب :
عدم وجود أي طاقة
الإجـراء :
استبدال كابل الشاشة .
أو وحدة الطاقة .
أو عطل في الشاشة .


العطـل :
صورة معتمة مع وميض اللمبة
السبـب :
عطل في الشاشة أو كرت الشاشة
الإجـراء :
أغلق الجهاز إذاً وشغل الشاشة إذا ظهرت الشاشة بدون اهتزاز فالمشكلة من الكرت والعكس


العطـل :
عدم القدرة على ضبط الألوان أو درجة الوضوح
السبـب :
عطل في الشاشة أو الكرت
الإجـراء :
استبدل كرت الشاشة إذا تكررت المشكلة فالمشكلة من الشاشة


العطـل :
عدم تواجد الألوان الأساسية
السبـب :
تواجد محيط مغناطيسي
الإجـراء :
ير مكان الشاشة


العطـل :
ألوان الشاشة غير سليمة
السبـب :
لكابل أو الشاشة
الإجـراء :
استبدل الكابل


ملاحظة :
_ يفضل تنظيف سطح الشاشة دائماً وتغطيتها بالكيس الواقي من الغبار عند الانتهاء من العمل .
- يفضل وضع الواقي من إشعاع الشاشة



صيانة الطابعات



العطـل :
طبع معلومات غير مفهومة
السبـب :
تركيب غير سليم لكابل الطابعة أو تعريف غير سليم للطابعة
الإجـراء :
تركيب الكيابل بطريقة سليمة .
إعادة تعريف الطابعة .
تظهر بعض المشاكل نتيجة عدم وجود ورق أو حبر في الطابعة .


ملاحظة :
يفضل عمل تنظيف للطابعة بطريقتين :
# مسح الطابعة من الداخل بشريط ناشف وهناك مادة تنظف بها الطابعة من الداخل .
# عمل تنظيف من برنامج التنظيف المرفق مع برنامج الطابعة ثم طباعة صفحة الاختبار

أعطال المعالج



العطـل :
الحاسب لا يعمل بصورة سليمة بعد تغيير المعالج
السبـب :
عدم تعريف المعالج
الإجـراء :
فك البطارية وإعادة تركيبها – SETUP

العطـل :
سماع أصوات غريبة بعد تركيب المعالج
السبـب :
عطل في المعالج
الإجـراء :
استبدال المعالج

العطـل :
عدم ظهور شيء على الشاشة حتى بعد التأكد من صلاحية كرت الشاشة والذاكرة المؤقتة
السبـب :
عطل في المعالج
الإجـراء :
استبدال المعالج

أعطال اللوحة الأم .. ( المذر بورد )



العطـل :
عدم ظهور أي بيانات على الشاشة بعد استبدال اللوحة الأم
السبـب :
إذا لم يكن السبب له علاقة بالرام أو كرت الشاشة أو المعالج فيكون العطل في اللوحة الأم
الإجـراء :
يجب استبدالها

العطـل :
يظهر بعض الأحيان أعطال خاصة بالكروت المدمجة في اللوحة المدمجة
السبـب :
عطل في أحد كروت اللوحة المدمج
الإجـراء :
إلغاء الكرت المدمج واستبداله وإذا لم تتح اللوحة هذه الميزة فيجب استبدال اللوحة الأم

أعطال الذاكرة




العطـل :
رنين متصل
السبـب :
عدم تركيب الرام أو عدم وضعها بالشكل الصحيح
الإجـراء :
التأكد من تركيب الرام

العطـل :
لم يظهر شئ على الشاشة بعد تركيب الرام
السبـب :
بعد التأكد من أن العطل ليس بسبب الشاشة أو الكرت يكون الاحتمال التالي هو الرام
الإجـراء :
استبدال الرام

العطـل :
HANG
السبـب :
وهي أكثر المشاكل التي تحصل في الجهاز وتكون مسبباتها إما كرت الشاشة أو الرام
الإجـراء :
استبدال الرام

العطـل :
حجم الذاكرة المدون على الشاشة غير سليم
السبـب :
عدم تركيب الرام بشكل سليم
الإجـراء :
فك وتركيب الرام من جديد

العطـل :
ظهور حروف غريبة على الشاشة أو خطوط على سطح المكتب
السبـب :
عطل في كرت الشاشة أو الرام
الإجـراء :
استبدال الرام

العطـل :
ظهور رسالة insufficient memory
السبـب :
تشغيل عدد كبير من الملفات أو البرامج
الإجـراء :
غلق أكبر عدد من البرامج أو زيادة في سعة الرام

فحص واختبار الرام :
بعد تركيب الرام وعمل الجهاز بصورة سليمة هناك طرق لفحص قوة الرام وإمكانياتها :
# تشغيل عدد كبير من البرامج .
# تشغيل أي برنامج نصي مثل الوورد وتعليق على لوحة المفاتيح أي مفتاح وتركه فترة
ساعة على الأقل .
# إعادة تشغيل الجهاز أكثر من مرة .

أعطال المشغل والقرص المرن



العطـل :
لمبة المشغل مضاءة دائماً
السبـب :
كسر أو سوء تركيب لكابل البيانات
الإجـراء :
التأكد من سلامة المشغل وكذلك كابل البيانات

العطـل :
لا تستطيع الكتابة على القرص
السبـب :
القرص في وضع الحماية من الكتابة أو عدم كفاية المساحة على القرص
الإجـراء :
التأكد من كفاية المساحة ومن مفتاح الحماية

العطـل :
لا تستطيع نقل ملفات من أو إلى القرص
السبـب :
ملف غير سليم أو حماية للقرص
الإجـراء :
التأكد من الملف ومفتاح الحماية

العطـل :
عدم استطاعتك إخراج قرص من المشغل
السبـب :
تعلق القطعة الحامية المعدنية أو كسرها داخل القرص
الإجـراء :
فتح المشغل وإخراج القطعة وتنظيف المشغل

العطـل :
الجهاز لا يعمل BOOT عند التشغيل
السبـب :
وجود القرص داخل المحرك
الإجـراء :
إخراج القرص من المشغل

أعطال مشغل القرص الصلب .. وهي على نوعين هما :-



أعطال برامج :
وهي أعطال يمكن إصلاحها من خلال برامج للصيانة سيتم ذكرها لاحقاً

أعطال أجهزة :
وهي أعطال ميكانيكية تكون لأحد الأسباب التالية :

• عدم تثبيت جيد لكابل البيانات أو الطاقة .
• أوضاع غير سليمة للجنبرز .
• عطل في وحدة الإمداد بالطاقة .:
الإجـراء :
• تغيير أو تركيب كابل بيانات .
• التأكد منت وضع الجنبرز .
• تغيير وحدة الإمداد بالطاقة .

أعطال الـ CD-ROM :

العطـل :
عدم قدرة الحاسب على عمل BOOT من مشغل الأقراص
السبـب :
عدم تعريف المشغل
الإجـراء :
تعريف المشغل

العطـل :
عدم قدرة الحاسب على التحميل من الـ CD-ROM
السبـب :
تركيب غير سليم للمشغل أو عدم تركيب سليم للكابل أو عطل في الكابل
الإجـراء :
يتم تركيب المشغل بطريقة سليمة ثم يتم تنظيفه وبعد ذلك يتم تشغيله إذا لم يعمل فالمشكلة في المشغل

أعطال وحدة الطاقة



العطـل والإجراء المناسب :
قد يكون لوحدة الطاقة سبب رئيسي في ضعف بعض الأجهزة ولذلك يجب التأكد من ذلك .
وكذلك في حالة حصول خطأ في التوصيل 110/220 وحدوث تلف للفيوز فيمكن استبدال الفيوز أو استبدال وحدة الطاقة CD-ROM
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
rabah tiaouinine
Admin


عدد المساهمات : 3423
تاريخ التسجيل : 31/12/2009
العمر : 43
الموقع :

مُساهمةموضوع: رد: تعالوا نتعلم معا الكمبيوتر من الداخل و كيفية صيانتة وتجميعة   الأحد فبراير 28, 2010 4:54 pm

أقدم هنا بعض التلميحات في نظام ويندوز والتي قد تفيدك في تسهيل عملك.

1: يمكنك إيقاف تشغيل بعض البرامج التي تنشط تلقائياً عند تحميل ويندوز بالضغط على مفتاح Ctrl عند بدء ظهور مؤشر الماوس.

2: نعلم ان سلة المحذوفات Recycle Bin لها أهمية في استرجاع الملفات المحذوفة بالخطأ ، بيد انه أصبح من الممل إفراغ سلة المحذوفات بعد كل عملية حذف ، ما رأيك في تجنب هذا؟ اضغط على مفتاح Shift وانت تختار أمر حذف Delete من القائمة او وأنت تضغط على مفتاح Del. لن ترى وجه هذا الملف بعد الآن!

3: ماذا يحدث خلف الكواليس؟ أعني ما يخفيه النظام خلف شعار ويندوز عند تحميل النظام؟ ببساطة ، اضغط على مفتاح الهروب Esc عند بدء التشغيل وسيظهر لك ما يقوم من عمليات.

4: استخدم هذه الأزرار لتشغيل بعض البرامج المعتادة:
ملاحظة: Winkey تعني المفتاح الذي يحمل شعار ويندوز في لوحة المفاتيح.

* Winkey + E لتشغيل مستكشف ويندوز.
* winkey + F لتنشيط أداة البحث Find في الجهاز.
* Alt + Tab للتبديل بين التطبيقات المفتوحة.
* Winkey + D لإظهار / إخفاء سطح المكتب من خلف التطبيقات المفتوحة.
* Winkey + M لتصغير جميع البرامج المفتوحة وإظهار سطح المكتب.
* Winkey + R لتنشيط مربع التشغيل Run.
* Alt + F4 لإغلاق التطبيق الحالي (لا تجربها الآن!)

5: يمكنك تغيير حجم أيقونات (رموز البرامج) في سطح المكتب إن كنت قد ملأته ولم تعد ترى الباقي ، بالنقر في أي مكان فارغ في سطح المكتب واختيار قسم المظهر Appearance ومنها اختر item وخذ Icon وبعد ذلك غير قيمة الرقم الذي أمامها ، ويمكنك أيضاص تغيير المسافة بين الأيقونات من نفس المكان.

6: في ويندوز 98 أو 95 مع إكسبلورر 4 ستجد شريط صغير في شريط المهام بجانب زر ابدأ Start يمكنك إضافة اختصارات للبرامج فيه لتسهيل أعمالك مثل الحاسبة أو المفكرة أو مايكروسوفت وورد مثلاً.

7: لزيادة المساحة المخصصة للصفحة في المتصفح يمكنك إخفاء تسميات أزرار المهام في إكسبلورر بالضغط بالزر الأيمن واختيار Customize وهناك Text options ومنها No labels. كذلك يمكن تغيير حجم صور الأزرار من Icon options.

8: عندما يتوقف أحد البرامج عن الاستجابة لخلل ما ، جرب هذه الطريقة إن كنت تجهلها ، اضغط على مفاتيح Ctrl + Alt + Del وسوف تظهر لك قائمة المهام ، أغلق البرنامج المطلوب.
تلميحات ويندوز الجزء الثالث

9: جرب هذه الطريقة الآن ، أظهر سطح مكتبك واسحب أيونة جهاز الكمبيوتر My Computer لأي ناحية من نواحي الشاشة ، سوف يظهر لك شريط فيه محتوبات جهاز الكمبيوتر ، بإبقاء الضغط على زر Ctrl اضغط على القرص C مثلاً ، سوف تظهر لك محتوياته على شكل قائمة.

10: عند تركيب مجموعة خطوط كبيرة في النظام يصبح النظام أبطأ ، وخاصة برامج الرسوم وبرامج تحرير النصوص ، لتجنب هذا ، إذهب إلى مجلد Fonts الموجود في Windows وانقل ملفات الخطوط الغير مستخدمة دائماً في مجلد آخر في القرص يدعى مثلاً Font2 ، وكلما أردت استخدام خط ، فقط شغل ملف هذا الخط ، ثم شغل البرنامج المراد استخدامه فيه.

11: هل تريد طريقة سريعة لإنشاء مجلد؟ حسناً .. اضغط على الأزرار Alt + FNF في المكان الذي ترغب إنشاء المجلد فيه عدا سطح المكتب.

12: يمكن ضغط رز Alt مع النقر على رمز ملف معين لإظهار خصائصه Properties بدلاً من النقر بالزر الأيمن وأخذ بند خصائص Properties.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تعالوا نتعلم معا الكمبيوتر من الداخل و كيفية صيانتة وتجميعة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ابناء تعوينين للهندسة والصيانة الشاملة :: منتديات الكمبيوتر والانترنت :: منتدى عالم الكمبيوتر والإنترنت-
انتقل الى: